انا حكايتي اني ربة منزل وعندي ولد وبنتين وزوج ونعم كتير ورغم ذلك كنت داخله ف اكتئاب شديد ..وصلت لمرحله خطيره زعلانه من نفسي ومن الدنيا والاخطر زعلانه من الاسلام وحاسه بالظلم للستات ف مجتمعنا وانا اكتر حاجه بتخنقني ف الدنيا احساس الظلم وخصوصا لو لحد غيري ومش قادره اساعده.

ومتضايقه إني داخله علي الاربعين خايفه من حاجات كتير وبافكر ف المستقبل دايما ومش حاسه بامان وقليل اما احس بسعادة..باختصار حياتي ومشاعري ملخبطه ومتضايقه إني داخله على الاربعين خايفه من حاجات كتير وبافكر ف المستقبل دايما ومش حاسه بامان وقليل اما احس بسعادة ..باختصار حياتي ومشاعري ملخبطه وفي يوم لما جبت اخري قررت اني مش حاشتكي لحد تاني واني حالجأ لربنا بس .. صليت ركعتين لله بعد الفجر وعيطت وطلبت من ربنا انه يساعدني ومايسبنيش وانه وحده اللي يقدر يساعدني وحسيت براحه وثقه ان ربنا جنبي .. والاجابه جاتلي اسرع ما
كنت اتخيل .. تاني يوم شفت فيديو حضرتك عن رحلتك للنعيم ومش اول مره اشوفه بس المره ديه حستها مهمه وسمعت فيديوهات كتير واول حاجه طبقتها فك الارتباط وانهاء التعلق وخطوه خطوه .. جزاك الله الف خير .. بدأت اتحسن كتير وبدأت حياتي تتغير وبدأت احس بالنعم الكتير اللي انا فيها واحس لاول مره بالحريه واعيش مع سلفيديو رحله جميله حره واشوف البحر اللي بعشقه كل يوم واهم انجاز ليا ف الفتره ديه ان علاقتي بابني-14 سنه- اتحسنت جدا وبقي شايفني احسن ام ف الدنيا بعد ما كان بيقولي يا ريتك ماكنتي امي وانتهت مشاكل المراهقه ف ثواني كأنه سحر بفضل ارشاداتك بعد فضل ربنا حاسه اني انسانه جديده بتفكير جديد وبرمجه جديده وعندي اهداف وعندي ثقه في نفسي وفي ربي وفي اسلامي بعد مافهمت حاجات كتير من حضرتك عرفت اني اللي كنت زعلانه منه ده مش الاسلام ديه موروثات وافكار مغلوطه لا تمت بصله للاسلام وده اللي حاعلمه لاولادي واخواتي وكل اللي حواليا

انا بادعي لحضرتك في كل وقت .. في كل لحظه باشوف زوجي واولادي واشعر بالسعاده والرضا والنعيم ..وفي كل لحظه باشعر بالحريه وانا في بيتي .. وفي كل لحظه بارتب فيها لتحقيق هدف جديد وانا كلي ثقه في نفسي وفي ربي اني حاحققه ..وفي كل مره باستفيد من وقتي واسمع واتعلم حاجه جديده .. وفي كل لحظه تمر عليا وانا فرحانه اني حاعدي الاربعين وانا باحقق احلامي
واهدافي ويزيد وعيي الف شكر دكتور احمد .. ويا رب يباركلك ف زوجتك وأولادك ويزيدك من نعيمه ف الدنيا والاخره